Abbas Tur Gaya Ay

Veeraan hoyi duniya sunjiyaan hoiyaan nigaahwaan Abbas tur gaya ay Zainab duhaai deway hunn okhiyaan ne saahwaan Abbas tur gaya ay Akbar de seenay andron barchi da phal hai kadna kuj vi nazar nai aunda Akbar da baba sochay hun kis nu main bulaawaan Abbas tur gaya ay Aasaan umeedaan bhul ke tapdi zameen te beh gai suneya jadon Sakina Mashkeeza chalni hoya kapiyaan gaiyaan ne baanhwaan Abbas tur gaya ay Burqa si mera Ghazi us di wafa rida si saaday pardeyaan da zaamin Maa Aun di pukaaray qismat ch likh ke haawaan Abbas tur gaya ay Kaday chaa ke baazuaan nu kaday mashk kol jaa ke kaday vekh ke Alam nu Noha ay parhdiyaan ne Karbal de vich wafaawaan Abbas tur gaya ay Vaalaan nu jad banaaya syedaaniyaan ne parda tak haal bebasi da Saangaan te vain paaya lutyaan hoiyaan ridaawaan Abbas tur gaya ay Rukhsaar neelay hoey kanaan di rat nai rukdi sochaan de vich Rubab ay Chaon saalaan di Sakina keewain shimr ton bachaawaan Abbas tur gaya ay Maqtal te khaimagaah vich Karbal ton Shaam taaeen hanjuaan te hokeyaan naal Sajjad aj vi aawann ay gham diyaan sadaawaan Abbas tur gaya ay ویران ہوئی دنیا، سنجیاں ہوئیاں نگاہواں، عباس ٹر گیا اے زینب دہائی دیوے، ہُن اوکھیاں نیں ساہواں، عباس ٹر گیا اے اکبر دے سینے اندروں برچھی دا پھل ہے کڈھنا،کجھ وی نظر نئیں آوندا اکبر دا بابا سوچے، ہُن کس نوں میں بلاواں، عباس ٹر گیا آساں اُمیداں بُھل کے، تپدی زمیں تے بہہ گئی،سنیا جدوں سکینہ مشکیزہ چھلنی ہویا، کپیاں گئیاں نیں بانہواں، عباس ٹر گیا اے برقعہ سی میرا غازی، اُس دی وفا ردا سی، ساڈے پردیاں دا ضامن ماں عون دی پکارے،قسمت چ لکھ کے ہانواں، عباس ٹر گیا اے کدے چا کے بازوآں نُوں، کدے مشک کول جا کے،کدے ویکھ کے علم نُوں نوحہ ایہ پڑھدیاں نیں،کربل دے وچ وفاواں، عباس ٹر گیا اے والاں نوں جد بنایا، سیدانیاں نیں پردہ، تک حال بے بسی دا سانگاں تے وین پایا، لٹیاں ہوئیاں رداواں، عباس ٹر گیا اے رخسار نیلے ہوئے، کناں دی رَت نئیں رُکدی،سوچاں دے وچ رباب اے چَونہہ سال دی سکینہ، کینویں شمر توں بچاواں، عباس ٹر گیا اے مقتل تےخیمہ گاہ وچ، کربل توں شام تائیں، ہنجواں تے ہوکیاں نال سجاؔد اج وی آوَن ایہ غم دیاں صداواں، عباس ٹر گیا اے (سجاؔد حیدر)