Viyah To Pehla

1ਵਿਆਹ ਤੋਂ ਪਹਿਲਾਂ ਕਦੇ ਮੇਰਾ ਕਹਿਣਾ ਨਹੀਂ ਸੀ ਮੋੜਦਾ, ਗੱਲੀਂ ਬਾਤੀਂ ਅੰਬਰਾਂ ਚੋਂ ਤਾਰੇ ਸੀ ਵੇ ਤੋੜਦਾ, ਵਿਆਹ ਤੋਂ ਬਾਅਦ ਬਿੱਲਕੁਲ ਬਦਲ ਗਿਆ ਏਂ, ਮੇਰੀ ਕਿਸੇ ਗੱਲ ਤੇ ਨਾਂ ਹਾਂ ਕਰਦਾ। ਵੇ ਤੂੰ ਸਿਰੇ ਦਾ ਕੰਜੂਸ ਜਮਾ ਮਾਂ ਵਰਗਾ। ਵੇ ਤੂੰ ਸਿਰੇ ਦਾ ਕੰਜੂਸ ਜਮਾ ਮਾਂ ਵਰਗਾ--2-- 2, ਬੈਠ ਕੇ ਸਹੇਲੀਆਂ ਚ ਗੱਪ ਜਦੋਂ ਰੋੜਦਾ ਸੀ, ਦਿਲ ਹੀ ਹਿਲਾ ਦਿੰਦਾ ਸੀ, ਗਿਣਦਾ ਸੀ ਪੈਲੀ ਜਦੋਂ, ਮੱਝਾਂ ਗਾਵਾਂ ਵਾਲੇ ਕਿੱਲੇ, ਨਾਲ ਹੀ ਗਿਣਾਂ ਦਿੰਦਾ ਸੀ, ਰੰਗ ਵੀ ਸੀ ਚਿੱਟਾ,ਮੇਰਾ ਦਿਲ ਵੀ ਸੀ ਚਿੱਟਾ, ਨਿੱਕਲਿਆ ਚਲਾਕ ਵੇ ਤੂੰ ਕਾਂ ਵਰਗਾ। ਵੇ ਤੂੰ ਸਿਰੇ ਦਾ ਕੰਜੂਸ ਜਮਾ ਮਾਂ ਵਰਗਾ----2-- 3, ਜਾਨ ਨਾਲੋਂ ਵੱਧ ਤੈਨੂੰ ,ਕਰਦੀ ਪਿਆਰ ਮੈਂ ਤਾਂ, ਤੈਨੂੰ ਬੱਸ ਪੈਸਿਆਂ ਦਾ ਮੋਹ ਵੇ, ਸ਼ਹਿਰ ਜਾਕੇ ਮੰਗਾਂ ਕਦੇ ਜੂਸ ਦਾ ਗਿਲਾਸ ਤੈਥੋਂ, ਧੱਕੇ ਨਾਲ ਅੱਧਾ ਲੈਂਦਾ ਖੋਹ ਦੇ, ਧੀਏ ਧੀਏ ਕਹਿਕੇ ਮੇਰੇ ਸ਼ੌਕ ਕਰੇ ਪੂਰੇ, ਸੌਹਰਾ ਦਰਵੇਸ਼ ਠੰਡੀ ਛਾਂ ਵਰਗਾ। ਵੇ ਤੂੰ ਸਿਰੇ ਦਾ ਕੰਜੂਸ ਜਮਾ ਮਾਂ ਵਰਗਾ।--2-- 4, ਹੱਸਦੇ ਹਸਾਉਂਦਿਆਂ ਦੀ ਲੰਘਜੇ, ਉਮਰ ਸੌਖੀ, ਗ਼ੁੱਸਾ ਨਾਂ ਮਨਾਈਏ ਜਸਮੀਤ ਵੇ, ਫੁੱਲ ਖ਼ੁਸ਼ਬੋ ਵਾਂਗੂੰ,ਦੀਵੇ ਅਤੇ ਲੋਅ ਵਾਂਗੂੰ, ਤੇਰੇ ਨਾਲ ਸਾਡੀ ਆ ਪ੍ਰੀਤ ਦੇ, ਨੰਗਲੇ ਦੇ ਤਾਰੇ ਕੋਲੋਂ ਸੁਣੀਆ ਨੇ ਗੱਲਾਂ, ਮਾਪਿਆਂ ਨੂੰ ਪਿਆਰਾ ਮੁੰਡਾ ਸਾਹ ਵਰਗਾ। ਵੇ ਤੂੰ ਸਿਰੇ ਦਾ ਸ਼ੌਕੀਨ ਜਮਾ ਮਾਂ ਵਰਗਾ। ਵੇ ਤੂੰ ਸਿਰੇ ਦਾ ਸ਼ੌਕੀਨ ਜਮਾ ਮਾਂ ਵਰਗਾ। ਵੇ ਤੂੰ ਸਿਰੇ ਦਾ ਕੰਜੂਸ ਜਮਾ ਮਾਂ ਵਰਗਾ। ਮੁੰਡਾ-ਕਰਤਾ ਉਹੀ ਕੰਮ ਜਿਹਤੋਂ ਮੈਂ ਡਰਦਾ ਸੀ।